-Өвлийн эхэн улаагчин гахай сарын шинийн 8, цагаагчин үхэр, мэнгэ 6 цагаан, суудал шороо, чөдөр-23 од, шид барилдлагат өдөр. Овоо тахих, лусын буулттай өдөр.

-Өдрийн нар ургах/шингэх цаг: 08:16-17:03.​

-Өдрийн сайн цаг: Могой(09:40-11:40), бич(15:40-17:40), нохой(19:40-21:40), гахай(21:40-23:40), бар(03:40-05:40), туулай(05:40-07:40) болой.

-Үс засуулахад нас уртасна маш сайн. Харин хонь, бар, туулай, нохой, гахай жилтнээ муу цээрлэвэл зохилтой.

-Хол газар явагсад баруун зүгт мөрөө гаргавал зохистой.

-Тахиа, могой, үхэр, хонь, бич жилтнээ аливаа үйлийг хийхэд эерэг сайн. Харин хонь, бар, туулай жилтнээ сөрөг муу.

-Хүний сүлд бөөр, хөмхийд, гэрийн сүлд өрх, цонхонд орших болой.

-Хонь, бич, тахиа жилтний сүлд гараг, бар, туулай жилтний харш гараг.

-Сайн нь: Аливаа санасан зөв ажил үйл сэтгэлчлэн бүтэх сайн. Муу нь: бэрийн үйл, суурь тавих, угаалга, залбирах, өс дарах, өндөр суудалд суух, арилжаа наймаа хийх, эд, мал худалдан авах, туг дарцаг хийсгэх, урлан бүтээх, дархлах, эрдэм ухаанд суралцах, малын хашаа, хороо барих, цэрэг хөдөлгөх, шинэ малгай, хувцас өмсөх, эсгэх, замд гарах, газар тариалангийн үйл, малын үс, ноос хяргах, эд хөрөнгө зээлдүүлэх, нэхэх, нүүдэл хийх, бузарыг дарж, дайсагнах үйл, мал гаргах муу.