Ирэх оны нэгдүгээр сараас хэрэгжүүлж эхлэх хуулиудын нэг нь Ахмад настны тухай хууль юм. 2017 онд хэлэлцэн баталсан энэхүү хуульд нэмэлт өөрчлөлт оруулж 2024 оны зургаадугаар сард баталсан. Хууль сурталчлах нөлөөллийн ажлын хүрээнд ахмадын байгууллагын удирдлага, мэргэжилтнүүдэд мэдээлэл өгөх, сургалтыг аймаг, нийслэлийн хэмжээнд зохион байгуулж байна. 

-Хөдөлмөр, нийгмийн хамгааллын яам, 

-Хөдөлмөр, халамжийн үйлчилгээний Ерөнхий газар,

-Монголын Ахмадын холбооноос аймгийн Засаг даргын Тамгын газар, Хөдөлмөр, халамжийн үйлчилгээний газар, Ахмадын холбоотой хамтран энэ сарын 30 хүртэл бүсчилсэн байдлаар зохион байгуулахаар төлөвлөжээ.


 

Баруун бүсийн буюу Ховд, Увс, Баян-өлгий аймгийн сургалтыг Ховд аймагт өнөөдөр эхлүүллээ. Хоёр өдрийн хугацаанд болох тус сургалтын нээлтэд аймгийн Засаг даргын орлогч Э.Уртнасан оролцож Ахмад настны тухай хуулийг хэрэгжүүлэх, хуулийн хүрээнд ахмадуудыг бүх талаар дэмжихэд анхаарч ажиллахаа илэрхийлэв.

Сургалтын үр дүнд талуудын оролцоо, хамтын ажиллагаа сайжирч, хуулийн хэрэгжилтэд эерэг нөлөө үзүүлнэ гэж зохион байгуулагчид үзэж байна.