Аймгийн Засаг дарга Э.Болормаагаар ахлуулсан ажлын хэсэг орон нутагт томилолтоор ажиллаж байна. Ажлын хэсэг өнөөдөр /2023.11.22/ хуваарийн дагуу Дарви суманд ажиллав. 

Аймгийн Засаг дарга Э.Болормаа албаны төлөөллийн хамтаар тус сумын иргэдтэй уулзаж өнгөрсөн нэг жилийн хугацаанд хийж хэрэгжүүлсэн ажлаа тайлагнан иргэдийн саналыг сонслоо.

Өнгөрсөн онд сумын иргэдтэй уулзахдаа 2023 онд хийх ажлын саналыг авч эрэмбэлсэн. Үүний үр дүнд: 

-Ерөнхий боловсролын сургуулийн барилгын засвар,

-Сумын нэгдсэн цэвэр усны шугам сүлжээний дэмжлэг,

Ховд аймаг  “МоЭнко” ХХК-ийн хамтын ажиллагааны гэрээний хүрээнд, Хөшөөтийн уурхайн тоосжилтод өртсөн айл, өрхийн нөхөн  олговрын дэмжлэг зэрэг ажлыг хийж хэрэгжүүлсэн байна.

-Сумын төвийн ариун цэврийн байгууламж,

-Инженерийн шугам сүлжээний барилга байгууламжийн дэд бүтэц,

-Хөшөөтийн уурхайн тоосжилтод өртсөн айл, өрхийн нөхөн олговор,

-Засаг даргын Тамгны газрын барилгын засвар,

-Сумын цахилгаан дамжуулах агаарын шугамын өргөтгөл,

-Цэцэрлэгт хүрээлэнгийн тоног төхөөрөмж,

-Жишиг гудамж хороолол,

-Цэцэрлэгийн барилгын засвар зэрэг ажилд иргэдээс санал авч эрэмбэллээ. Үүнээс ТЭЗҮ-ийн дагуу Сумын төвийн ариун цэврийн байгууламжийн төсвийг аймгийн ИТХ-д өргөн барьж шийдвэрлэхээр боллоо. 

 

-Орон нутагт хийж буй хөрөнгө оруулалтын ажлын чанар, үр дүнд анхаарах, айл өрх бүрд нүүрс олгож байгаа нь сайшаалтай ч чанар, зохион байгуулалтад анхаарах зэрэг тулгамдаж буй зарим асуудлын талаар санал бодлоо илэрхийллээ. 

Асуулт, саналд холбогдох албаны төлөөллүүд зохих хариултыг өгч ажиллав. 

Дарви сумын хувьд:

Нийт иргэдийн 51 хувь нь эрт илрүүлэгд хамрагдсан байна. Харин нийт иргэдийн 91 хувьд нь “Тоон гарын үсэг” олгосон бол 2023 онд 30 иргэнд хуулийн дагуу 0.07 га газар өмчлүүлэхээр төлөвлөснөөс 16 өрхөд олгожээ.

Дээрх үзүүлэлтээр Багийн Засаг дарга нарын дунд зарласан болзолт уралдаанд амжилттай оролцож “ТУСГАЙ БАЙР”-т шалгарсан Булаг багийн Засаг дарга Ш.Тэгшбуян, Мөнгөн аяга багийн Засаг дарга Ё.Бат-эрдэнэ нарыг аймгийн Засаг даргын “ЖУУХ БИЧИГ”-ээр шагнаж урамшуулав.

Уулзалтын төгсгөлд Эрүүл мэндийн төвд иж бүрэн тоноглосон Фургон машин, шаардлагатай тоног төхөөрөмж /Өвчтөний хяналтын монитор, Төрөх ор гэх мэт/,  сургууль, цэцэрлэгийн багш нарт “ТАБЛЕТ” гардууллаа. 

Өвөлжилт хүндэрч болзошгүй. Тиймээс тус сумынхан өвс тэжээлийн нөөцөө бүрдүүлэхэд онцгой анхаарч ажилласан байна. Тодруулбал, малчдын түвшинд 782 тн өвс бэлтгэсэн байна. Харин сумын аюулгүй нөөцөд 50 тн өвс, 30 тн тэжээл бэлтгэн нөөцлөөд байна.

Бэлтгэл сайн хангасан гээд тайвширч болохгүй. Болзошгүй эрсдэлийг цаг ямагт тооцож ажлаа илүү сайжруулж, өвөл, хаврыг хохирол багатай “ӨНТЭЙ” давахын төлөө “ХАМТДАА” хичээж ажиллахыг уриалав.