УИХ-ын гишүүн, Хөдөлмөр, нийгмийн хамгааллын сайд Х.Булгантуяа, аймгийн Засаг дарга Э.Болормаа нар өнөөдөр /2023.09.25/ аймгийн ХХҮГ болон Нийгмийн даатгалын хэлтсээр орж ажиллав.
Энэ үеэр сайд Х.Булгантуяа салбарын бодлого, зорилт хийж хэрэгжүүлэх ажлын талаар мэдээлэл өгч ажилтан, албан хаагчдын санал бодлыг сонслоо.
Тэрбээр, салбар байгууллагын үйл ажиллагааг аймаг бүрээр дүгнэнэ. Ингэхдээ:
-Хөдөлмөр эрхлэлтийг дэмжиж хамгийн олон хүнийг "Халамжаас хөдөлмөрт" шилжүүлсэн,
-Нийгмийн даатгалын хамрагдалтын хувь хэмжээг хэрхэн нэмэгдүүлсэн зэргийг нэг чухал үзүүлэлт болгоно гэдгийг онцолж ажлын амжилт хүслээ.
Түүнчлэн ирэх онд:
-Ажилтан албан хаагчдын ажиллах, иргэдэд үзүүлэх үйлчилгээг шуурхай болгох нөхцөлийг бүрдүүлэх үүднээс зарим компьютер, техник, тоног төхөөрөмжийг шинэчлэх,
-Таван жилийн нэмэгдэл олгох асуудлыг шийдвэрлэнэ гэлээ.
Мөн босоо удирдлагатай байгууллагын ажилтан, албан хаагчдад орон нутгийн нэмэгдэл олгох асуудлыг ирэх оны /2024/ төсөвт тусгах талаар аймгийн Засаг дарга Э.Болормаатай ярилцаж тооцоо, судалгааны дагуу шийдвэрлэхэд дэмжиж ажиллахаа илэрхийлэв.
