Өнөөдөр /2023.09.05/ аймгийн Засаг дарга Э.Болормаа Азийн Хөгжлийн Банкны Монгол дахь Суурин төлөөлөгч Шэннон Коулиныг хүлээн авч уулзав.

Уулзалтад Азийн Хөгжлийн Банкны Монгол дахь Суурин төлөөлөгчийн газрын Нийгмийн хамгааллын ахлах мэргэжилтэн Ж.Алтантуяа, АХБ-ны Хөгжлийн бэрхшээлтэй иргэдийн оролцоог нэмэгдүүлэх, үйлчилгээг сайжруулах төслийн зохицуулагч З.Мөнхзул, АХБ-ны Хөгжлийн бэрхшээлтэй иргэдийн оролцоог нэмэгдүүлэх, үйлчилгээг сайжруулах төслийн барилгын хяналтын инженер Д.Энхбаатар, Хөдөлмөр, нийгмийн хамгааллын яамны Хүн амын хөгжлийн бодлогын хэрэгжилтийг зохицуулах газрын дарга бөгөөд АХБ-ны “Хөгжлийн бэрхшээлтэй иргэдийн оролцоог нэмэгдүүлэх, үйлчилгээг сайжруулах төсөл”-ийн захирал С.Тунгалагтамир, Ховд аймгийн Засаг даргын Тамгын газрын дарга Б.Сандагсүрэн, Хөгжлийн бэрхшээлтэй хүний Хөгжлийн төвийн дарга Д.Одончимэг нарын албаны төлөөлөл оролцлоо. 

Монгол улсын хэмжээнд анх удаа Ховд аймагт Хөгжлийн бэрхшээлтэй хүний Хөгжлийн төвийг нээж, үйл ажиллагааг нь эхлүүлснийг онцоллоо. 

-Боловсон хүчнийг сургаж, бэлтгэх,

-Үйл ажиллагаа, хүртээмжийг нь баруун бүс нутагтаа "ЖИШИГ" болохуйц сайжруулах,

-Орон нутгийн салбар дундын хамтын ажиллагааг шинэ шатанд гаргахад анхаарч ажиллахаар санал солилцов. 

Мөн орон нутагт хөрөнгө оруулалтыг татах асуудалд хамтарч ажиллахаар боллоо.

Ховд аймгийн Хөгжлийн бэрхшээлтэй хүний хөгжлийн төв нь 30 гаруй хүний орон тоотой. 

-Хэл засалч

-Хөдөлгөөн засалч

-Хөдөлмөр засалчийн орон тоо дутагдалтай байгаа. 

Тиймээс аймгийн Засаг дарга Э.Болормаа орон нутагт дутагдалтай байгаа мэргэжилтнийг сургах, бэлтгэх асуудалд анхаарч ажиллахаа илэрхийллээ.