-Аргын тооллын 7 сарын 23. Баасан (Сугар) гараг (2021)

-Билгийн тооллын шинийн 14, хар бич, элдэв тэнгэртэн-20 од, суудал ус, мэнгэ 2 хар, шидийн барилдлагатай өдөр.

-Өдрийн нар ургах/шингэх цаг: 05:17-20:39. 

-Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), хонь(13:40-15:40) болой.

-Хүний сүлд толгой, эрүү, шанаа, чих, ходоодонд, гэрийн сүлд үүд, хойморт орших болой.

-Үс засуулахад эд олох, төгс жаргалан болох сайн. Гэвч бар, туулай, нохой, гахай жилтнээ муу цээрлэвэл зохилтой.

-Хол газар явагсад зүүн зүгт мөрөө гаргавал зохистой.

-Хулгана, луу, бич, тахиа, хонь жилтнээ аливаа үйлийг хийхэд эерэг сайн. Харин бар, туулай жилтнээ сөрөг муу.

-Аливаа бодсон санасан ажил үйл ном ёсоороо бүтэх маш сайн. Мал адгуус дэлгэрдэгч мал бүү гарга.

-Зурхайч лам Д. Цогтбаатар