“Хотол төгс” хэмээх төмөр хулгана жилийн сар шинийн босгон дээр Ховд аймгаас төрсөн Улсын аварга малчдын хамгийн залуу нь Чандмань сумын Тахилт багийн малчин Д.Мөнхцоож. Мөнхцоожынх 1600 гаруй толгой малтай, өнгөрсөн хавар 600-аад төл хүлээн авч, мал сүргээ өсгөжээ. 2 талын аав ээж, ах дүүс нь нутаг усандаа нэр хүндтэй хашир туршлагатай малчид учраас тэднийхээ нөмөр нөөлөг, ажлын их туршлага, өөрсдийн хичээл зүтгэл, хамтын хөдөлмөрийн үр дүнд төр засагтаа хөдөлмөрөө үнэлүүлж 37 настайдаа Улсын аварга малчин цол хүртлээ.