Баян-Өлгий аймагт Шинэ төрлийн коронавирусийн сэжигтэй тохиолдол бүртгэгдэж, тусгаарлагдаад байна. Шинжилгээний хариу албан ёсоор гараагүй ч халдвар авсан байж болзошгүй тухайн иргэн нь манай аймгаар дамжин өнгөрөхдөө Цамбагарав зочид буудалд 2 хоносон болох нь тогтоогдлоо. Тиймээс халдвараас урьдчилан сэргийлэх, эрсдэлээс хамгаалах үүднээс аймгийн Онцгой комисс хуралдаж, бүх талын арга хэмжээг шуурхай авч ажиллаж байна.