-Аргын тооллын 3 сарын 24. Ням (Адьяа) гараг / 2019 /

-Билгийн тооллын 19, цагаан бич, эрхтний тэргүүн-15 од, гал суудал, 8 цагаан мэнгэ, арвидахын барилдлагатай өдөр.

-Өдрийн нар ургах/шингэх цаг: 06:48-19:09

-Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), могой(09:40-11:40), хонь(13:40-15:40) болой.

-Хол газар явагсад зүүн урд зүгт мөрөө гаргавал зохистой.

-Үс засуулбал бодийн төрөл олох, сайн ханьтай учрах маш сайн. Гэвч бар, туулай жилтнээ цээрлэвэл зохилтой.

-Хулгана, луу, бич жилтнээ аливаа үйлийг хийхэд эерэг сайн. Харин бар жилтнээ сөрөг муу.

-Замд явах, гэр оронд өлзийтэй юм хийж бүтээх, их хүмүүн тушаал нэмэх, хурим хийх, үр тариа цэцэг жимс тарих, мал адгуус сургах, эм найруулах, эрдэм ном сургах, лам болох, буяны үйл, мод суулгах, цэцэрлэг байгуулах, чимэг зүүх, бүжиг наадам хийх, туг дарцаг хийсгэх, идээ, хувцас олох, өглөг өгөх, хөрөнгө цацах, эдийн тэнгэр тахих, шид бүтээл үүсгэхэд сайн. Байшин сав дээр гарах, шинэ хувцас өмсөх, эсгэх, чимэг оёх, худалдаа хийх, худаг малтах, орон байшингийн суурь тавих, шинэ гэр барих, хүн мал самнах, ханах, төөнөх, бэрийн үйл, үхэгсдийн үйл, шинэ дээл эсгэх, мал худалдахад муу. Тэнгэрийн үйл дэлгэрдэгч шидийг бүү үйлд.

-Зурхайч лам Д.Цогтбаатар.