Сум орон нутгийн иргэд чөлөөт цагаа зөв боловсон өнгөрүүлэх, сумын хэмжээнд урлагийн тоглолт зохион байгуулах, залуучуудыг хөгжүүлэх тохиолог орчин нөхцөлийг бүрдүүлэх зорилгоор Дуут суманд улсын төсвийн 1 тэрбум 300 сая төгрөгийн хөрөнгө оруулалтаар 350 хүний суудал бүхий 2 давхар “Соёлын төв” бүтээн байгуулж байна. Одоогоор барилгын ажил 30-40 хувьтай явагдаж байгаа бөгөөд энэ онд багтаан ашиглалтад оруулна гэж сумын удирдлагууд хэллээ. Мөн сумын иргэд, залуучуудын хүсэлтээр тус соёлын төвд бөхийн дэвжээ нэмэлтээр хийлгэхээр болжээ.