Монгол Улсын Ерөнхийлөгчийн 2010 оны 4 дүгээр сарын 14-ний өдрийн 63 дугаар зарлигаар жил бүрийн тав, арав дугаар сарын хоёр дахь долоо хоногийн Бямба гаригийг "Бүх нийтээр мод тарих өдөр” болгосон билээ. Энэ өдрийг тохиолдуулан байгалиа нөхөн сэргээх, хамгаалах зорилгоор Ховд аймаг дахь анхан болон давж заалдах шатны шүүхийн  шүүгч,  шүүхийн захиргааны ажилтнууд 50 гаруй мод  тарилаа гэж Шүүхийн мэдээлэл лавлагааны албанаас мэдээллээ.