-Билгийн тооллын шинийн 6, улаан морь, мэнгэ 4 ногоон, суудал мод, тэргүүн дагуул-13 од, үл тохирох барилдлагатай өдөр. Хутганы ир өдөр.

-Өдрийн нар ургах/шингэх цаг: 05:40-20:13.

-Өдрийн сайн цаг: Морь(11:40-13:40), бич(15:40-17:40), тахиа(17:40-19:40), хулгана(23:40-01:40), үхэр(01:40-03:40), туулай(05:40-07:40) болой.

-Үс засуулахад өнгө зүс сайжрах маш сайн. Харин хулгана, гахай, үхэр жилтнээ муу цээрлэвэл зохилтой.

-Хол газар явагсад хойд зүгт мөрөө гаргавал зохистой.

-Бар, нохой, морь, үхэр жилтнээ аливаа үйлийг хийхэд эерэг сайн. Харин хулгана, гахай жилтнээ сөрөг муу.

-Хүний сүлд зүрх, гар, хацарт, гэрийн сүлд гэр доторт орших болой.

-Нялхас, үхэр жилтний сүлд гараг, гахай, хулгана жилтний харш гараг.

-Сайн нь: Аливаа санасан зөв ажил үйл сэтгэлчлэн бүтэх сайн. Муу нь: эхнэрийн үс хайчлах, нялхасыг гаргах, мод таслах, тангараг тавих, амраг садан болох, багш шавь барилдах, шинэ гэр, байшин, асар майхан босгох, нүүдэл хийх, морь худалдах, уралдуулах, мал гаргах, улаан идээ авах, малын үс, ноос хяргах, эд, мал гадагш өгөх, хүнийг ханаж, төнөх, замд гарах, хурим хийх, дээл хувцас, гэр орны хэрэгсэл эсгэх, оёж, хатгах, мал хөнгөлөх, арилжаа наймаа хийх, эд мал худалдан авах, бэрийн үйлд муу. Газрын гараг дэлгэрдэгч эд бүү гарга.