2021 оны 08 дугаар сарын 09-ний 8:00 цагаас 08 дугаар сарын 10-ны 08:00 цаг буюу сүүлийн 24 цагийн хугацаанд нийт 257 сорьцод PCR шинжилгээ хийжээ. Коронавируст халдварын батлагдсан тохиолдол 51-ээр нэмэгдэж нийт 3055 боллоо. 

Тодруулбал, Чандмань сумаас 13, Буянт сумаас 7, Мөнххайрхан сумаас 2, Булган сумаас 1, Манхан сумаас 1,  Мянгад сумаас 1 иргэнээс халдвар илэрчээ. Харин Жаргалант сумаас 26 иргэнээс халдвар илэрсэн байна. Тухайлбал,

-Хайрхан багт оршин суух 4,

-Наран багт оршин суух 4,

-Буянт багт оршин суух 2,

-Бугат багт оршин суух 2,

-Бичигт багт оршин суух 2,

-Цамбагарав багт оршин суух 2,

-Баатархайрхан багт оршин суух 2, 

-Алагтолгой багт оршин суух 2,

-УБ хотоос ирсэн 1,

-Багийн хаяг нь тодорхойгүй 5 иргэн байна.

Аймгийн Онцгой комиссын дэргэдэх “Шуурхай штаб”-аас өгсөн мэдээллээр Ховд их сургуулийн болон Халдвартын тасгийн “Тусгаарлах эмнэлэг”-т өнөөдрийн /2021.08.10/ байдлаар 206 хүн хэвтэн эмчлүүлж байгаагийн 40 нь 0-18 насны хүүхэд, 14 нь жирэмсэн эх байна. Тэдгээрээс маш хүнд-2, хүнд-19, хүндэвтэр-72 бусад нь хөнгөн. 

Сумдын Эрүүл мэндийн төв, “Тусгаарлах эмнэлэг”-т нийт 103 хүн хэвтэн эмчлүүлж байна. 

Тэгвэл Жаргалант суманд 386, сумдад 103 нийт /489/ хүн гэрээр эмчлүүлж байна. 

Сүүлийн 24 цагт эмнэлэг болон гэрийн эмчилгээнээс 106 хүн гарч батлагдсан нийт тохиолдлын 2409 нь эдгэрлээ. 

Өнөөдрийн /2021.08.10-ны 09:00 цаг/ байдлаар аймгийн хэмжээнд ойрын хавьтлын 2339 иргэн гэрийн тусгаарлалтад байна. 

Сүүлийн 24 цагт нийт 180 хүн вакцинд хамрагдсан байна. Үүний 84 нь вакцины 2 дахь, 96 нь 1 дэх тунг хйилгэжээ. Өссөн дүнгээр авч үзвэл вакцинд хамрагдах ёстой нийт иргэдийн 54609 хүн буюу 86,0 хувь нь 1 дүгээр тунд, 49295 хүн буюу 77,7 хувь нь 2 дугаар тунд хамрагдсан мэдээтэй байна. 

Иргэн бүр хариуцлагатай байж, “ДЭГЛЭМ”-ээ баримталъя.

Халдвараас сэргийлэн вакциндаа идэвхтэй хамрагдаж "ХАЛДВАРЫГ ХАМТДАА ДАВЪЯ"