-Аргын тооллын 12 сарын 22. Мягмар (Ангараг) гараг (2020)

-Билгийн тооллын шинийн 8, шарагчин гахай, могойг хүлэгч-25 од, суудал хий, мэнгэ 8 цагаан, үхэхийн барилдлагатай өдөр. Бага хар өдөр.

-Өдрийн нар ургах/шингэх цаг: 08:39-17:02.

-Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.

-Үс засуулахад нас уртасна сайн. Гэвч могой, бич, тахиа, морь жилтнээ цээрлэвэл зохилтой.

-Хол газар явагсад урд зүгт мөрөө гаргавал зохистой.

-Туулай, хонь, гахай, морь жилтнээ аливаа үйлийг хийхэд эерэг сайн. Харин могой, бич, тахиа жилтнээ сөрөг муу.

-Дуган, шүтээн босгох, равнайлах, ад зэтгэрийг номхтгох, дайсан дарах, цэргийн ба догшин үйл хэрэг, худалдаа хийх, балгас эвдэх, шинэ ноён тавих, захиран тушаах, номын хурим, лам хуврага болох, ном заалгах, гөлөг тэжээх, мал адгуус муулах үйлд сайн. Бэрийн үйл, газар малтах, мод таслах, худаг шуудуу малтах, эм найруулах, замд гарах, үхэгсдийн үйл, газар тариалангийн үйл, хувцас эсгэхэд муу. Эр хүн хэрэг чирэгдэлд холбогдохоос болгоомжилж явах ёстой. Хүн мал амгалангүй тул хичээн сэрэмжлэх хэрэгтэй. Түшмэл, хутганы өдөр дэлгэрдэгч хутга бүү хурцал.

                                                      Зурхайч лам Д. Цогтбаатар (Гандантэгчэнлин хийд).