Ховд аймгийн тамирчин О.Саруул “Самбо бөхийн дэлхийн аварга” болжээ



Самбо бөхийн дэлхийн аварга шалгаруулах тэмцээнд Ховд аймгийн тамирчид амжилттай оролцжээ. Тодруулбал, Узбекистан улсын нийслэл Ташкент хотноо Самбо бөхийн дэлхийн аварга шалгаруулах тэмцээн 10 дугаар сарын 11-13-нд болсон юм. Тус тэмцээнд Ховд аймгийн тамирчин О.Саруул, Г.Анужин нар дасгалжуулагч багш С.Ганхуягийн хамт оролцов. Тэмцээний  залуучуудын ангилалын эмэгтэйчүүдийн 62 кг-ын жинд Ховд аймгийн Мянгад сумын харьяат, ҮБТДС-ийн тамирчин О.Саруул барилдаж, ОХУ, Казахстан, Украйн улсын бөхийг дараалан ялж, алтан медаль хүртжээ. Тэрбээр өнгөрсөн жил Гүрж улсад зохион байгуулсан Самбо бөхийн өсвөрийн дэлхийн аварга шалгаруулах тэмцээнээс мөнгөн медаль хүртэж байсан. Тэгвэл энэ жил залуучуудын ангилалд оролцож өмнөх амжилтаа ахиулан "Дэлхийн аварга" боллоо. Харин тамирчин Г.Анужин  хүрэл медалийн төлөө барилдаж, тусгай байрт шалгарчээ. 



Мэдээ таалагдсан:
khovdnews.mn таалагдсан:
Ховдын мэдээ