-Аргын тооллын 7 сарын 15. Даваа (Сумьяа) гараг/ 2019 /

-Билгийн тооллын шинийн 14, харагчин үхэр, онгоц-18 од, суудал шороо, мэнгэ 3 хөх, рашааны барилдлагатай өдөр. Усанд хор орох (урсгал усанд бүү ор).

-Өдрийн нар ургах/шингэх цаг: 05:08-20:47.​

-Өдрийн сайн цаг: Могой(09:40-11:40), бич(15:40-17:40), нохой(19:40-21:40), гахай(21:40-23:40), бар(03:40-05:40), туулай(05:40-07:40) болой.

-Хол газар явагсад баруун зүгт мөрөө гаргавал зохистой.

-Үс засуулбал эд олох, төгс жаргалан болох маш сайн. Гэвч хонь, луу жилтнээ цээрлэвэл зохилтой.

-Могой, тахиа, үхэр, нохой жилтнээ аливаа үйлийг хийхэд эерэг сайн. Харин хонь жилтнээ сөрөг муу.

-Хувраг тойн болох, мал худалдах, хишиг даллага авах, эм найруулах, лус ба тэнгэр тахих, хөрөнгө исгэх, архи нэрэх, сүм хийд босгох, бэрийн үйл, хурим хийх, сан тавих, худалдаа хийх, байшин барилгын суурь тавих, насны хүчийг арвижуулах, усан засалд сайн. Өндөр суудалд суух, туг дарцаг хийсгэх, урлан бүтээх, дархлах, ухаанд суралцах, цэрэг хөдөлгөх, шинэ малгай, хувцас өмсөх, эхэлж ном сонсох, замд гарах, эд юм өгөх, үр тарихад муу. Лусын үүд дэлгэрдэгч балин бүү гарга.