Ховд аймгийн Улаан загалмайн хорооны удирдах зөвлөл энэ оны анхны хурлаа зохион байгуулав. Хурлаар 2018 оны үйл ажиллагааны жилийн төлөвлөгөө, эхний улирлын ажлын тайлан, аймгийн УЗХ-ны 2017 оны жилийн эцсийн тайлан болон 2018 оны эхний улирлын санхүүгийн тайлан, Сумуудаас ирсэн тусламж хүссэн өргөдөл, Хүндэт донорын болзол хангасан хүмүүсийн анкет танилцуулах, Байгууллага хөгжүүлэх санаа хэлэлцэх, Олон улсын хүмүүнлэгийн өдрийг тэмдэглэн өнгөрүүлэх төлөвлөгөө батлах гэсэн 6 асуудлыг хэлэлцжээ. Мөн Олон улсын хүмүүнлэгийн өдрийг угтаж сарын аян зохион байгуулах, 2018 оны 9 сард УЗХ-ны 60 жилийн ойг тэмдэглэн өнгөрүүлэх, ойг баяр ёслолын журмаар биш Улаан Загалмайн Хорооны үйл ажиллагааг сурталчилсан байдлаар зохион байгуулахаас гадна 2018 оны үйл ажиллагааны төлөвлөгөөг дахин боловсруулж 60 жилийн ойг тэмдэглэхтэй холбоотой 60 ажил санаачлан зохион байгуулах зэрэг шийдвэрийг гаргалаа. 

ВИДЕО: