Аймгийн ИТХ-ын Нийгмийн бодлогын хорооноос санаачлан эмэгтэй төлөөлөгчдийн өдрийн хүрээнд аймгийн ИТХ дахь төлөөлөгч  эмэгтэйчүүд аймгийн хэмжээнд үйл ажиллагаа явуулдаг олон улсын төсөл хөтөлбөрийн байгууллагын эмэгтэй удирдлагуудтай уулзах, хамтын ажиллагааны талаар санал, туршлага солилцох, үйл ажиллагаагаа уялдуулан ажиллах зорилгоор “Хамтын ажиллагаа ба боломж” сэдэвт уулзалт хэлэлцүүлгийг зохион байгууллаа. Энэхүү уулзалт хэлэлцүүлэгийг нэг удаа хийгээд орхих бус шат дараалсан хэлбэрээр олон удаагийн уулзалт хэлэлцүүлэг, сургалтуудыг зохион байгуулахаар төлөвлөжээ. Тухайлбал, аймгийн хэмжээнд үйл ажиллагаа явуулж буй байгууллагуудын эмэгтэй удирдагчидтай хамтран хамтын үйл ажиллагаагаа сайжруулж, эмэгтэйчүүдийнхээ нийгэмд чиглэсэн үйл ажиллагааг сэргээж, идэвхжүүлж ажиллах талаар хэлэлцүүлэг хийхээс гадна сумдаар явж үйл ажиллагаагаа идэвхжүүлэн сумын ИТХ-тай танилцах, сумын ард иргэдтэй уулзалт зохион байгуулах гэх мэт ажлуудыг хийхээр төлөвлөжээ.

ВИДЕО: