УИХ-ын гишүүн Э.Болормаа чуулган завсарласантай холбогдуулан орон нутагт ажиллаж байна. Ховд аймгийн 10 суманд ажиллаж "ИРГЭДЭЭ СОНСОХ УУЛЗАЛТ" зохион байгуулахаар энэ оны 02 дугаар сарын 25-ны өдөр Мөст сумаас томилолтоо эхэлсэн. Өнөөдөр /2026.03.04/ Жаргалант суманд ажиллаж аймаг, орон нутгийн удирдлагуудын хамтаар иргэд, төрийн албан хаагчдын төлөөлөлтэй уулзлаа. Энэ үеэр УИХ-ын гишүүнээр сонгогдсоноос хойш хуулийн төсөл санаачлах, боловсруулах, өргөн барих болон бусад ажлын хэсэгт орж ажилласан талаараа мэдээлэл хийлээ. Мөн иргэдийн асуултад хариулт өгч санал солилцов. Энэ удаагийн уулзалтад аймгийн Засаг дарга М.Амарсанаа албаны бусад төлөөллийн хамтаар оролцож орон нутгийн бодлого цаашид хийж хэрэгжүүлэх ажлын талаар мэдээлэл өглөө. Уулзалтад оролцсон иргэд: Цалин, тэтгэврийн нэмэгдэл хангалтгүй, үнийн өсөлт өндөр ажлын байр хомс байгаа зэрэг тулгамдаж буй олон асуудлыг хөндөж санал бодлоо илэрхийллээ. УИХ-ын гишүүн Э.Болормаа ирэх өдрүүдэд Чандмань, Дарви, Зэрэг суманд ажиллаад үргэлжлүүлэн Увс аймагт ажиллахаар төлөвлөжээ. Огноо: Өчигдөр Төрөл: Аймгийн ЗДТГ Сэтгүүлч: Н.Батчимэг, Н.Лхагва 28 Мэдээ таалагдсан:
