Онцгой байдлын Ерөнхий газраас авсан мэдээллээр 13 аймгийн 58 суманд хаваржилт хүндэрч зудын нөхцөл байдал үүсээд байна. Үүнтэй холбогдуулан өнөөдөр /2024.02.27/ Сангийн яамнаас “ЦАХИМ ХУРАЛ” зохион байгуулж аймаг, орон нутгаас авч хэрэгжүүлж буй арга хэмжээ, төсвийн зохицуулалтын талаар мэдээлэл солилцож Төсвийн тухай хуульд заасны дагуу зохицуулалт хийж ажиллах чиглэлийг өглөө.

Өвөлжилт, хаваржилт хүндэрсэн үед үүссэн нөхцөл байдалд шаардлагатай санхүүжилтийн эх үүсвэрийг орон нутгийн 2024 оны батлагдсан төсвийн хүрээнд зохицуулалтаар шийдвэрлэх боломжтой байна.

“ЦАХИМ ХУРАЛ”-д аймгийн ИТХ-ын дарга Г.Пүрэвганди, Засаг дарга Э.Болормаа, аймгийн ИТХ-ын нарийн бичгийн дарга Б.Баярсүх, Санхүү төрийн сангийн хэлтсийн дарга Ч.Багдал, мэргэжилтэн Д.Батнасан нарын албаны төлөөлөл оролцлоо.