-Аргын тооллын 9 сарын 30. Пүрэв (Бархасвад) гараг (2021)

-Билгийн тооллын 24, цагаагчин могой, өглөгт охин-6 од, суудал шороо, мэнгэ 5 шар, хотол чуулганы барилдлагатай өдөр. Дашням, хутганы ир өдөр.

-Өдрийн нар ургах/шингэх цаг: 06:49-18:34.

-Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.

-Хүний сүлд гуя, шилбэ, гар, алга, хонгонд, гэрийн сүлд үүд, хойморт орших болой.

-Үс бүү засуул өвчин эмгэг тусах тул муу цээрлэвэл зохилтой.

-Хол газар явагсад баруун урд зүгт мөрөө гаргавал зохистой.

-Тахиа, могой, бар, туулай жилтнээ аливаа үйлийг хийхэд эерэг сайн. Харин гахай, үхэр, луу, хонь, нохой жилтнээ сөрөг муу.

-Өлзий хутгийн өдөр тул аливаа үйлд маш сайн. Буяны үйл, үйлс эхлэн, хишиг даллага авах, гэр байшин барих, бэр буулгах, хуврага тойн болох, эд мал авах зэрэгт буян хишиг нэмэх нэн сайн.

-Зурхайч лам Д. Цогтбаатар.