Шүүхийн Ерөнхий зөвлөлийн Гүйцэтгэх Нарийн Бичгийн даргын баталсан удирдамжийн хүрээнд Шүүхийн Ерөнхий зөвлөлөөс томилогдсон ажлын хэсэг Ховд аймаг дахь шүүхүүдэд 2017 оны 06 дугаар сарын 06-ны өдөр ажилласан байна. Ажлын хэсгийн бүрэлдэхүүнд Монгол Улсын Шүүхийн Ерөнхий зөвлөлийн Шүүхийн санхүү, хөрөнгө оруулалтын газрын даргын албан үүргийг түр орлон гүйцэтгэгч С.Наранбилэг, Шүүхийн мэдээллийн технологийн хэлтсийн дарга Д.Мөнхзориг, шүүхийн төрөлжсөн архивын эрхлэгч С.Нэргүй, Хангамж үйлчилгээний хэлтсийн дарга Ж.Бямбацогт нар багтан ажиллаа.

Шүүхийн санхүү, хөрөнгө оруулалтын газрын даргын албан үүргийг түр орлон гүйцэтгэгч С.Наранбилэг анхан болон давж заалдах шатны шүүхийн Ерөнхий шүүгч, шүүгч, шүүхийн захиргааны ажилтнуудад Монгол Улсын шүүхийн төсвийн талаар танилцуулсан бол, Шүүхийн мэдээллийн технологийн хэлтсийн дарга Д.Мөнхзориг “Шүүхийн захиргааны ажилтны ёс зүйн зөрчлийг шийдвэрлэх” сэдвээр шүүхийн захиргааны ажилтнуудад сургалт зохион байгууллаа. Шүүхийн төрөлжсөн архивын эрхлэгч С.Нэргүй тус шүүхийн архивтай танилцаж заавар зөвлөгөө өгсөн байна.

Ажлын хэсэг тус шүүхэд Dell Optiplex 3046MT компьютерыг гардуулж, Шүүхийн Ерөнхий зөвлөлийн бодлогын талаар танилцуулан, шүүгч, шүүхийн захиргааны ажилтнуудын санаа бодлыг сонсож, харилцан ярилцлаа гэж Шүүхийн мэдээлэл лавлагааны албанаас мэдээллээ.