Ховд аймгийн Засаг даргын захирамжаар олон нийтийг хамарсан байгууллага, хамт олны шинэ жил, хурал цуглаан, спортын тэмцээн, соёл урлагийн үйл ажиллагаа, тоглоомын газруудын үйл ажиллагааг нэгдүгээр сарын 06-ны өдөр хүртэлх хугацаанд түр хориглолоо. 

Харин спорт заал, бялдаржуулах танхим, үсчин, гоо сайхан, сургалтын төвийн үйл ажиллагааг нээж, ажиллах цагийн хуваарийг 09:00-21:00 цаг байхаар тогтоов. Коронавирусний халдварын тархалтаас сэргийлэх үүднээс эдгээр байгууллага, аж ахуйн нэгжүүд халдвар хамгааллын дэглэм баримтлан ажиллах юм.