Өнөөдөр /2026.03.20/ Казах түмний "НАУРЫЗ"-ын баярын хурал, хүндэтгэлийн арга хэмжээ зохион байгууллаа. Энэ үеэр төрийн захиргаа, боловсрол, эрүүл мэнд, ХАА, бизнесийн гээд салбар салбарт амжилт гарган ажиллаж буй иргэдээс “ЕСӨН АЛДАРТАН”-г уламжлалын дагуу тодруулж алдаршууллаа. 

-"Ахмад зүтгэлтэн"-ээр 10 хүүхэд төрүүлж 100 гаруй ач, зээ, гучыг өсгөн хүмүүжүүлсэн Буянт сумын Цагаан эрэг багийн иргэн А.Батиха,

-"Буянтай ээж"-ээр зургаан хүүхэд төрүүлж өсгөсөн Үенч сумын Жаргалан багийн иргэн, малчин Ч. Каукар,

-"Тэргүүний тариаланч"-аар Буянт сумын Норжинхайрхан багийн тариаланч А.Ахмет,

-"Тэргүүний малчин"-аар мал сүргээ таван төрөлд нь өсгөн үржүүлж туслах малчин ажиллуулан мал сүргийнхээ үүлдэр угсааг сайжруулсан амжилтаар Эрдэнэбүрэн сумын Шураг багийн малчин Т.Алив,

-"Шилдэг гэр бүл"-ээр найман хүүхэд төрүүлж өсгөхийн зэрэгцээ таван хошуу малынхаа ашиг шимийг нэмэгдүүлэн орон нутгийн эдийн засагт хувь нэмэр оруулан ажиллаж буй Ховд сумын Баянбулаг багийн иргэн М.Нурботагийн гэр бүл,

-"Энэрэнгүй үйлстэн"-ээр эрүүл мэндийн салбарт 16 жил ажиллаж эрхэлсэн ажилдаа амжилт гаргасан Булган сумын Баянсудал багийн иргэн, эх баригч Р.Болормаа,

-"Тэргүүний сэхээтэн"-ээр Ховд сумын Засаг даргын Тамгын газрын нягтлан бодогч Т.Ернур,

-"Тэргүүний бизнесмен"-ээр Булган сумын Баянсудал багийн иргэн Т.Жахсылык,

-"Тэргүүний сурагч"-аар Жаргалант сумын Ерөнхий боловсролын хоёрдугаар сургуулийн сурагч А.Айганым нар шалгарлаа.




“ЕСӨН АЛДАРТАН”-ы шагналыг аймаг, сум орон нутгийн удирдлагууд хүндэтгэн гардуулж баяр хүргэв.