Улсын Их Хурлын 39 дүгээр тогтоолын дагуу Улсын Их Хурлын Тамгын газраас Монгол Улсын Үндсэн хуульд оруулах нэмэлт, өөрчлөлтийн төслийн талаарх хэлэлцүүлгийг Ховд аймагт зохион байгууллаа. Өөрөөр хэлбэл баруун бүсийн хэлэлцүүлгийг Мөст суманд, төвийн бүсийн хэлэлцүүлгийг Жаргалант суманд, зүүн бүсийн хэлэлцүүлгийг Эрдэнэбүрэн суманд тус тус зохион байгуулав.

ВИДЕО:



Хэлэлцүүлгийн үеэр Улсын Их Хурлын Тамгын газрын ажилтнууд Монгол Улсын Үндсэн хуульд оруулах нэмэлт, өөрчлөлт оруулах төсөлд тусгагдсан “Монгол Улсын Их Хурал”, “Монгол Улсын Ерөнхийлөгч”, “Монгол Улсын Засгийн газар”, “Шүүх эрх мэдэл”, “Монгол Улсын засаг захиргаа, нутаг дэвсгэрийн нэгж, түүний удирдлага” гэсэн сэдвүүдээр танилцуулга хийж, хэлэлцүүлэгт  оролцогчид болон иргэдийг шаардлагатай мэдээллээр ханган ажиллав. Мөн энэ үеэр Монгол Улсын Үндсэн хуульд оруулах нэмэлт, өөрчлөлтийн төслийн хэлэлцүүлгийг орон нутагтаа үргэлжлүүлэн зохион байгуулах аймаг, сумын иргэдийн Төлөөлөгчдийн Хурал, Засаг даргын Тамгын газар, төрийн захиргаа, удирдлагын газрын 94 сургагч багш нарыг бэлтгэж, ном гарын авлагаар хангалаа.