-Билгийн тооллын 24, шарагчин могой, гөрөөсөн толгой-4 од, суудал уул, мэнгэ 8 цагаан, үл тохирохын барилдлагатай өдөр. Хутганы ир өдөр. Цагаан шүүдэр-06:45.

-Өдрийн нар ургах/шингэх цаг: 06:19-19:20.

-Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.

-Үс бүү засуул өвчин эмгэг тусах тул муу цээрлэвэл зохилтой.

-Хол газар явагсад баруун хойд зүгт мөрөө гаргавал зохистой.

-Үхэр, тахиа, могой, бич, хонь жилтнээ аливаа үйлийг хийхэд эерэг сайн. Харин гахай, бар, туулай жилтнээ сөрөг муу.

-Хүний сүлд гуя, шилбэ, гар, алга, хонгонд, гэрийн сүлдүүд, хойморт орших болой.

-Ноёд хаад, хонь, бич, тахиа жилтний сүлд гараг, бар, туулай жилтний харш гараг.

-Аливаа санасан зөв үйл сэтгэлчлэн бүтмүй. Харин хиншүү, бузар, бэлбэсний үйл, их хэрэг үүсгэх, ном унших, арилжаа наймаа хийх, амраг садан болох, багш шавь барилдах, мод таслах, газар малтах, нүүдэл хийх, эм найруулах, үхэгсдийн үйл, ус хааж бөглөх, бэрийн үйл, заргалдах, мөр гаргах, ан гөрөө хийх, морь худалдах, үс засуулах, равнайлах, малын үс, ноос хяргах, эд хөрөнгө зээлдүүлэх, нэхэх, мал гаргахад муу. Мал адгуус дэлгэрдэгч мал бүү гарга.