-Аргын тооллын 9 сарын 19. Лхагва (Буд) гараг / 2018 /

-Билгийн тооллын шинийн 10, хөх бар, элдэв тэнгэртэн-20 од, мод суудал, 5 шар мэнгэ, идэрийн барилдлагатай өдөр. Их хар, лусын буулттай өдөр. Усанд эм орох.

-Өдрийн нар ургах/шингэх цаг: 06:34-18:57.

-Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), могой(09:40-11:40), хонь(13:40-15:40) болой.

-Хол газар явагсад хойд зүгт мөрөө гаргавал зохистой.

-Үс засуулбал эрхтэн хүчин дэлгэрэх маш сайн. Гэвч бич, могой, морь, хонь цээрлэвэл зохилтой.

-Нохой, бар, гахай, хулгана жилтнээ аливаа үйлийг хийхэд эерэг сайн. Харин бич, могой, морь жилтнээ сөрөг муу.

-Дуган шүтээн босгох, тахих үйл, эд юм бүтээх, бичиг зурхай зурах, ураг садан болох, худалдаа хийх, сүмийн тахил тахилга засах, өөрийн амьдралд тустай ажил хийх, хот тосгоны суурь тавих, бурхан шүтээн, орон гэрийг равнайлах, хувцас эсгэх, тооцоо хийх, мэргэ төлгө тавих, цэрэг хөдөлгөх, сайн үйлс үүсгэх, баясгалангийн хурим, газар хагалж тариа тарих, шинээр хувцас өмсөх, чимэг зүүх, бүжиг наадам үйлдэхэд сайн. Цацал өргөх, эм найруулах, ном эхлэн заалгах, худаг малтах, хатуу үйл ажил хийх, лам болох, ном сонсох, гадагш өгөх, хөрөнгө исгэх, үр цацах, замд гарахад муу. Үр таслах дэлгэрдэгч үхэгсдийг бүү тавь.

-Зурхайч лам Д.Цогтбаатар.