-Аргын тооллын 5 сарын 7. Даваа (Сумьяа) гараг / 2018 /

-Билгийн тооллын 22, шарагчин гахай, яруу эгшигт-21 од, суудал хий, мэнгэ 5 шар, идэрийн барилдлагатай өдөр. Даваажишин барилдлага, хутганы ир өдөр.

-Өдрийн нар ургах/шингэх цаг: 05:25-20:12. 

-Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.

-Хол газар явагсад урд зүгт мөрөө гаргавал зохистой.

-Үс засуулбал эд, идээ элбэгшин эрхэм сайн. Гэвч могой, луу цээрлэвэл зохилтой.

-Туулай, хонь, гахай, луу жилтнээ аливаа үйлийг хийхэд эерэг сайн. Харин могой жилтнээ сөрөг муу.

-Даллага авахуулах, сэг, зурхай, урлахуй ухаанд суралцах, тариалан тарих, хатуу үйл, хишиг даллага авах, эм найруулах, лус ба тэнгэр тахих, хөрөнгө исгэх, архи нэрэх, сүм хийд босгох, хурим хийх, гэр байшин барих, сан тавих, хот байгуулах, номын хурим, лам хуврага болох, ном заалгах, гөлөг тэжээх, сайн үйлс үүсгэх, баясгалангийн хурим, гэр бүл бололцох, газар хагалж тариа тарих, чимэг зүүх, бүжиг наадам үйлдэхэд сайн. Мод таслах, газар малтах, худаг шуудуу малтах, эхэлж ном сонсох, хол замд гарах, шинэ дээл өмсөх, эд юм өгөх, үхэгсдийн үйлд муу. Лусын үүд дэлгэрдэгч балин бүү гарга.

Зурхайч лам Д. Цогтбаатар