-Аргын тооллын 12 сарын 29. Ням (Адьяа) гараг / 2019 /

-Билгийн тооллын шинийн 3, цагаан хулгана, яруу эгшигт-21 од, суудал гал, мэнгэ 7 улаан, түлэхийн барилдлагатай өдөр.

-Өдрийн нар ургах/шингэх цаг: 08:41-17:06.​

-Өдрийн сайн цаг: Морь(11:40-13:40), бич(15:40-17:40), тахиа(17:40-19:40), хулгана(23:40-01:40), үхэр(01:40-03:40), туулай(05:40-07:40) болой.

-Үс засуулахад эд, мал баялаг төгөлдөр баясгалан болох сайн. Гэвч морь, бар, туулай жилтнээ цээрлэвэл зохилтой.

-Хол газар явагсад зүүн урд зүгт мөрөө гаргавал зохистой.

-Луу, бич, хулгана жилтнээ аливаа үйлийг хийхэд эерэг сайн. Харин морь жилтнээ сөрөг муу.

-Замд гарах, гэр оронд өлзийтэй юм хийж бүтээх, их хүмүүн тушаал нэмэх, цэцэг жимс тарих, мал адгуус сургах, эм найруулах, эрдэм ном сургах, лам болох, буяны үйл, шинэ барилгыг ашиглалтанд оруулах, худалдаа хийх, гэрлэх, тустай үйлийг бүтээх, хатуу үйл үүсгэвэл сайн. Элдэв сайн үйлийг эхлэн үүсгэхийг тэвчвээс зохистой. Төлөг тавих, морь уралдуулах, нохой тэжээх, хүүхэд үрчлэн авах, улаан идээ авах, хутга мэс ирлэх, архи уухад муу. Орон байшингийн суурь тавих, шинэ гэр барих, хүн мал самнах, ханах, төөнөх, бэрийн үйл, үхэгсдийн үйл, шинэ дээл эсгэх, худаг малтах муу. Тэнгэрийн үйл дэлгэрдэгч шидийг бүү үйлд.