Ойрын өдрүүдэд Ховд аймгийн нийт нутгаар дуу цахилгаантай аадар бороо үргэлжлэн орж байгаатай холбогдуулан “Аймгийн Онцгой комисс” үер, усны аюулаас урьдчилан сэргийлэх, үерийн гамшигт нэрвэгдсэн айл, өрхүүдэд чиглэсэн шаардлагатай арга хэмжээг үе шаттайгаар авч хэрэгжүүлэн ажиллаж байна.

Аймгийн Онцгой комисс 2018 оны 07 дугаар сарын 05-ны өдрийн 22 цаг 30 минутанд дахин хуралдаж, мэргэжлийн байгууллага болон бусад холбогдох байгууллага, аж ахуйн нэгжийн техник, тоног төхөөрөмжийг ашиглаж, ажилтан, алба хаагчдыг нэмэлтээр үерийн бүсүүдэд ажиллуулахаар боллоо. Энэ хүрээнд өнөөдөр 08:00 цагаас эхлэн Жаргалант сумын 12 багт хуваарийн дагуу ажиллаж эхэллээ.

Мөн Ховд нисэх онгоц буудлын дээд талд байрлах 5 километр даланг сэргээж, 600 метр газарт шинээр үерээс хамгаалах далан, суваг байгуулав. Тус ажилд иргэд, аж ахуйн нэгж, албан байгууллагуудын техник, тоног төхөөрөмжийг ажиллуулж байна.

                                                                                                                                                                                                                                         
                                                                                                                                                                                                                                                                                                                                                               Н.Лхагва