Аймгийн ИТХ-ын Тэргүүлэгчдийн 7 дахь удаагийн хуралдаан энэ сарын 29 эы өдөр хуралдлаа. Энэхүү хуралдаанд аймгийн ИТХ-ын Тэргүүлэгч М.Ганзориг, Т.Жаргалсайхан, Ч.Чинбат, Б.Баярсайхан, Б.Амгаланбадрах, Ю.Азамат, Б.Болорцэцэг, Л.Цэнд-Аюуш нар хүрэлцэн ирж 81,8 хувийн ирцтэйгээр хуралдаж, 5 асуудлыг хэлэлцэн батлав.

Хуралдаанаар:

-Аймгийн 2017 оны төсөвт өөрчлөлт оруулах тухай

-Сумын ЭМТ-ийн эрүүл мэндийн үйлчилгээний хүртээмж, цаашид авах арга хэмжээний тухай

-Газрын нэгдмэл сангийн 2016 оны тайлан тэнцлийн тухай

-Аймгийн ИТХ-ын III хуралдааны хэлэлцэх асуудал, дотоод журам, үйлчлэх алба, урилгаар оролцогчдыг танилцуулан батлуулах

-Төрийн дээд шагналд тодорхойлох болон Аймгийн “Хүндэт тэмдэг”-ээр шагнах тухай асуудлуудыг хэлэлцэн шийдвэрлэсэн байна.

Хэлэлцэх асуудалтай холбогдуулан хуралдаанд аймгийн Засаг дарга Д.Галсандондог, Засаг даргын орлогч Ш.Батсүх, Засаг даргын орлогч Ч.Уранчимэг, ЗДТГ-ын дарга Б.Ганболд болон холбогдох хэлтэс агентлагийн мэргэжилтнүүд байлцав. Мөн энэхүү хуралдаанд Аймгийн ИТХ-ын Нарийн бичгийн дарга Б.Сандагсүрэн, аймгийн Аудитын газрын дарга Тэргүүлэх Аудитор Л.Галбадрах нар зөвлөх эрхтэйгээр оролцлоо.

Аймгийн ИТХ-ын III хуралдаанаар Аймгийн 2017 оны төсөвт өөрчлөлт оруулах болон аймгийн Газар зохион байгуулалтын 2017 оны Төлөвлөгөөнд нэмэлт өөрчлөлт оруулах тухай асуудлуудыг хэлэлцэн шийдвэрлэхээр баталсан байна.