
Аймгийн Засаг даргын захирамжаар томилогдсон ажлын хэсэг сумдад ажиллаж байна.
Өнөөдөр /2025.01.31/ аймгийн Нийгмийн бодлогын асуудал хариуцсан Засаг даргын орлогч Л.Энхбаяраар ахлуулсан ажлын хэсэг Эрдэнэбүрэн суманд ажиллалаа.

Ажлын хэсэг:
-Аймгийн Засаг даргын 2024-2028 онд хэрэгжүүлэх “ХУРДТАЙ ХӨГЖЛИЙН ЗАМ” үйл ажиллагааны хөтөлбөрийг танилцуулах,
Өвөлжилтийн нөхцөл байдалтай танилцах,
-Орон нутагт тулгамдаж буй асуудлыг судалж гарц, шийдлийг ярилцаж хэрэгжүүлэх, иргэдийн саналыг сонсох зорилготой.

Ажлын хэсгийн бүрэлдэхүүнд:
-Аймгийн Хүнс, хөдөө аж ахуйн газар,
-Онцгой байдлын газар,
Цагдаагийн газар,
-Хөдөлмөр, халамжийн үйлчилгээний газар,
-Улсын Бүртгэлийн хэлтэс,
-Газрын харилцаа, барилга хот байгуулалтын газар,
-Байгаль, орчны газар зэрэг чиг үүрэг бүхий мэргэжлийн байгууллагын удирдлага, холбогдох мэргэжилтнүүд багтаж мэдээлэл өглөө.
Албаны төлөөлөл эхний ээлжид сумын удирдлагуудтай уулзаж сумын цаг үеийн нөхцөл байдал, орон нутагт тулгамдаж буй асуудлын талаар ярилцлаа.
Түүнчлэн сумын иргэд, төрийн албан хаагчидтай уулзалт зохион байгууллаа. Энэ үеэр:
Аймгийн Засаг даргын 2024-2028 онд хэрэгжүүлэх “ХУРДТАЙ ХӨГЖЛИЙН ЗАМ” үйл ажиллагааны хөтөлбөрийг танилцуулав. Мөн Эрдэнэбүрэн суманд хийж хэрэгжүүлэх хөрөнгө оруулалтын ажлын талаар мэдээлэл өгч холбогдох байгууллагын төлөөлөл чиг үүргийн дагуу иргэдийн асуултад хариулт өглөө.

Аймгийн Нийгмийн бодлогын асуупдал хариуцсан Засаг даргын орлогч Л.Энхбаяр:
Ирэх хавар Эрдэнэбүрэнгийн УЦС-ын бүтээн байгуулалтын ажил эхэлнэ. Үүнтэй холбогдуулан ажлын байр нэмэгдэнэ. Орон нутгийн иргэдийг ажилд зуучлах, шаардлагатай ажилтныг бэлтгэх, сургах, хамтран ажиллах бэлтгэлээ сайтар хангаж ажиллахыг зөвлөв.




