Энэ жилийн “Оюутан цэрэг” сургалтад хамрагдаж буй Баруун таван аймгийн 130 оюутан 06-р сарын 15-аас эхлэн цэргийн мэргэжлийн бэлтгэл шатны сургалтандаа хамрагдаж эхэллээ. Эдгээр оюутнууд өнгөрсөн 4,5-р сард онолын сургалтад хамрагдсан. Тэгвэл 08-р сарын 15 хүртэл 2 сарын хугацаанд Зэвсэгт хүчний 123-р ангид практик сургалтад хамрагдсанаар Цэргийн тангараг өргөх юм.  Ийнхүү цэргийн насны их, дээд сургууль, коллежид суралцаж буй залуучууд оюутан цэрэг хөтөлбөрт хамрагдаж хуулийн дагуу 4 сарын хугацаанд цэргийн алба хааж байгаа нь сургуулиа төгсөөд төрийн албанд ажиллах шаардлагыг хангах давуу талтай юм.