Батлан хамгаалахын сайд Д.Батлут орон нутагт ажиллаж байна. Өнөөдөр
/2026.09.10/ хуваарийн дагуу Ховд аймагт ажиллаж байна. Салбарын сайдыг аймгийн төв талбайд Ардын Хатанбаатар С.Магсаржавын нэрэмжит ЗХ-ний 123 дугаар ангийн хүндэт харуулж жагсаж угтан авлаа.
Сайдын хувьд энэ удаагийн томилолтоороо:
“Эх оронч Монгол” сургалт, өдөрлөгийн хүрээнд Батлан хамгаалах салбарын бодлого, үйл ажиллагааг иргэд, олон нийтэд танилцуулах уулзалт зохион байгуулна.
Мөн Цэргийн төв эмнэлгийн хөдөлгөөнт багийн үзлэг, оношилгоо, Батлан хамгаалахын төв архивын лавлагаа үйлчилгээ, зэвсэглэл, техникийн үзэсгэлэн,Цэргийн Дуу Бүжгийн Эрдмийн чуулгын тоглолт зэрэг олон талт арга хэмжээ зохион байгуулах юм. Арга хэмжээ хөтөлбөрийн дагуу үргэлжилж байна.
