Засгийн газрын "Бүсчилсэн хөгжлийн бодлого", Засаг даргын 2024-2028 оны үйл ажиллагааны "ХУРДТАЙ ХӨГЖЛИЙН ЗАМ" хөтөлбөрийг хэрэгжүүлэх эрдэмтдийн дуу хоолой, мэдлэг чадвар, үүрэг оролцоог нэмэгдүүлэх, холбогдох хуулийн хэрэгжилтийг хангуулах, эрдэмтэн судлаачид, болон орон нутгийн хэрэгжүүлэгч хэлтэс, агентлагууд, сургалт судлагааны байгууллагуудын харилцаа холбоог өргөжүүлэх зорилгоор "ХОВДЫН ЭРДЭМТДИЙН ФОРУМ-2025" арга хэмжээг зохион байгуулж байна.

Аймгийн ИТХ, Засаг даргын Тамгын газар, МУИС-ийн Баруун бүсийн сургууль, Шинжлэх ухаан, технологи, инновацын дэд зөвлөлтэй хамтран зохион байгуулж буй арга хэмжээнд Ховд аймгаас төрөн гарсан эрдэмтдийн төлөөлөл болсон 50 гаруй хүн оролцож байна.

Салбар, салбарын төлөөллөөс бүрдсэн эрдэмтэн, судлаачид өөрсдийн мэдээллээ танилцуулж бас санал бодлоо хуваалцаж байгаа нь бөгөөд үр дүнд нь "Ховд аймгийн дунд хугацааны стратеги, төлөвлөгөөний төсөл" /2025-2040/-д эрдэмтдээс гарсан саналыг тусгана. 

Мөн эрдэмтдийн оролцоо, хамтын ажиллагааг нэмэгдүүлж, эдийн засаг, инновацын шинэ санал, санаачилгыг орон нутгийн хөгжлийн бодлогод тусгахаар төлөвлөж байна.

"ХОВДЫН ЭРДЭМТДИЙН ФОРУМ-2025" арга хэмжээ маргааш /2025.11.11/ дуусна.